27
январь
2023
АҚЫН САНЖАР ҒҰЛАМА — "ДАРА ЖОЛ" БАҒДАРЛАМАСЫНЫҢ ҚАДІРЛІ ҚОНАҒЫ
АҚЫН САНЖАР ҒҰЛАМА — "ДАРА ЖОЛ" БАҒДАРЛАМАСЫНЫҢ ҚАДІРЛІ ҚОНАҒЫ
Шымкент қаласы білім басқармасына қарасты Қ.Сыпатаев атындағы №7 ІТ мектеп-лицейінде Мемлекет басшысы Қасым-Жомарт Кемелұлы Тоқаевтың «Оқуға құштар мектеп, оқуға құштар ұлт» жобасын жүзеге асыру мақсатында Қазақстан журналистер одағы мен Әлем халықтары жазушылар одағының мүшесі, ҚР Білім және ғылым министрлігінің Ы.Алтынсарин атындағы төсбелгісінің иегері, белгілі ақын әрі ұстаз «Тылсым дүние қасиеті», «Сіз жақсы адамсыз», «Үзілмеші үмітім» - атты жыр жинақтарының авторы Санжар Ғұламамен «Өлең деп соққан жүрегі...» - атты әдеби сыр-сұхбат кеші ұйымдастырылды.
Өскелең ұрпаққа аға буын өкілдерінің, тау тұлғалардың шығармашылығы мен өмір. жолын, насихаттайтын мектебіміздегі «Дара жол» бағдарламасының бүгінгі қонағы ақын әрі ұстаз Санжар Ғұлама болды.
Ақын мен сырласу, шығармаларын өскелең ұрпаққа дәріптеу мақсатында ұйымдастырылған кешке Қазақстан педагогика академиясының Профессоры, Қазақстан журналистер одағымен Халықаралық жазушылар одағының мүшесі, аудармашы, жазушы Алима Пашанова, Қазақстан Журналистер одағы мен Түркі әлемі жазушылар одағының мүшесі Несіпкүл Өтебаева, Композиторлар одағының төрайымы, сазгер, әнші, Қазақстан Республикасының Мәдениет қайраткері Құралай Сатмұханбетова, ұстаз әрі әнші Баян Қайдакешовалар қатысты.
Кездесу барысында ақынның өмірімен шығармашылығы жайында арнайы бейнеролик көрсетіліп, келген қонақтар ақын жайынды жылы лебіздерін білдірді. Түркістандық ақын Санжар Ғұлама шабыттанып өз туындыларын оқыды. Мектеп Парламенті оқушылардың өзін-өзі басқару ұйымының мүшелері ақынның өлеңдерін мәнерлеп оқыса, әнші Баян Қабдекешова Санжар Ғұламаның сөзіне жазылған «Үзілмеші үміт», «Сен мені қашан іздейсің? – атты әндерін орындады. Қазақстанның Мәдениет қайраткері, әнші, сазгер Құралай Сәтмұханбетова ақын Санжар Ғұламаның сөзіне жазылған «Дос керек» әнін орындап берді. Ақынмен кездесу кешін мектебіміздің педагог-ұйымдастырушысы Қанат Сарыбаев жоғары деңгейде жүргізіп отырды.
Аталған кештің жоғары дәрежеде өтуіне директордың тәрбие ісі жөніндегі орынбасарлары Роза Серікқызы, Феруза Смадиярқызы, педагог-ұйымдастырушы Канат Нышанбайұлы, мектебіміздің кітапхана қызметкерлері Роза Айтбаева, Магиза Керимова, қосымша білім беру педагогтары Салима Асемкулова мен Седепхан Раманкуловалар атсалысты.
Қаламынан қара сөздің қаймағы төгіліп тұратын ақын-жазушылардың қай-қайсысы да осал емес. Осал емес ортада өзіндік қолтаңбасымен құрметке бөленіп жүрген ақындардың бірі Санжар Ғұламаның шығармашылығына арналған әдеби сыр-сұхбат кештен көпшілік үлкен әсер алып тарқасты.
