«МЕКТЕБІМ – МЕЙІРІМ МЕКЕНІ» АТТЫ БІЛІМ КҮНІНЕ АРНАЛҒАН САЛТАНАТТЫ ЖИЫН ЖОҒАРЫ ДЕҢГЕЙДЕ ӨТТІ

Қ.Сыпатаев атындағы  №7 ІТ мектеп-лицейінде 1 қыркүйек Білім күніне арналған «Мектебім – мейірім мекені» атты салтанатты жиын ұйымдастырылды. 

    Мектеп директоры Раушан Алмаханқызы  құттықтау сөз сөйлеп, ұстаздар мен оқушыларға, мектеп табалдырығын енді аттаған 1 сынып оқушыларына  сәттілік тіледі. 

   Мектебіміздің  түлегі, Республикалық, халықаралық ән байқауларының лауреаты Сапарбек Жақып «Рақмет саған туған» әнімен сахна шымылдығын түрді. 

     Салтанатты жиынға  М.Әуезов атындағы Оңтүстік Қазақстан университетінің ректоры, Шымкент қаласы мәслихатының депутаты Қожамжарова Дария Пернешқызы, «Аманат» партиясының Әл-Фараби аудандық филиалының атқарушысы Арай Есенбек, мектебіміздегі Қамқоршылық кеңестің төрағасы Мұрат Бекмұратұлы, ата-аналар комитетінің төрағасы Ұстаз Есназаровтар қатысты. 

  Мінбеге шығып сөз алған Дария Пернешқызы барша ұстаздар мен шәкірттерді, ата-аналарды жаңа оқу жылымен құттықтап, ізгі тілегін  жеткізді. 

      Арай Есенбек мектеп директоры мен барша ұжымды білім күні мерекесімен құттықтап, «Аманат» партиясы Әл-Фараби аудандық филиалының атынан арнайы алғыс хатты табыс етті.

Салтанатты жиын мерекелік бағдарламаға ұласты. Оқушыларымыз ән мен күйден шашу шашып, көпшіліктің құрметіне бөленді.