09
октябрь
2023
ЕҢ ҮЗДІК ҚОЛӨНЕР ШЕБЕРЛЕРІ БАҚ СЫНАДЫ
Қ.Сыпатаев атындағы №7 ІТ мектеп-лицейінде көркем еңбек, кәсіптік және бизнес негіздері және музыка әдістемелік бірлестігінің «Өнерлі ұрпақ – кемел болашақ» атты апталығыны қорытындысы бойынша 8 сынып оқушыларының арасында «Ең үздік қолөнер шебері- 2023» атты сайысы өткізілді.
Көркем еңбек сабағынан үйренген, алған білімдерін көпшілікке көрсету; оқушылардың шығармашылық қабілетін дамыту; эстетикалық талғамға, шеберлікке, өнерге тірбиелеу мақсатында ұйымдастырылған сайысқа 7 оқушы қатысып, бақтарын сынады.
Төрт кезеңнен тұрған сайыстың қорытындысы бойынша бас жүлдені 8 «Б» сынып оқушысы Қарабай Кәусар, жүлделі І орынды 8 «А» сынып оқушысы Садуахас Алина, ІІ орынды 8 «В» сынып оқушысы Асабаева Сезім, ал жүлделі үшінші орынды 8 «Д» сынып оқушысы Нұрланова Мерей иеленді. 8 «Г» сынып оқушысы Аманқұл Балнұр, 8 «Ғ» сынып оқушысы Абдрахманова Лэйла, 8 «Ә» сынып оқушысы Досбол Айжандар арнайы номинациялармен марапатталды.
Ұлттық құндылықтарымызды дәріптеп, оқушылардың шығармашылық қабілеттерін арттыруға бағытталған сайыстың жоғары дәрежеде өтуіне көркем еңбек, кәсіптік және бизнес негіздері және музыка әдістеме бірлестігінің жетекшісі Гүлжаһан Мырзатайқызы бастаған аталған бірлестіктің мұғалімдері атсалысты.
