26
ноябрь
2021
БАЛА ТӘРБИЕСІНЕ БАЙЫПТЫ ҚАРАЙЫҚ
БАЛА ТӘРБИЕСІНЕ БАЙЫПТЫ ҚАРАЙЫҚ!
Қ.Сыпатаев атындағы №7 ІТ мектеп-лицейінде «Қатыгездік пен зорлық-зомбылықсыз балалық шақ» Республикалық акциясы аясында балаларды қорғау және оң тәрбие мәселелерін басты назарға ала отырып, бала тәрбиесінде ата-аналардың жауапкершілігін арттыру мақсатында «бала тәрбиесі баршамызға ортақ» деп аталатын ата-аналар форумы ұйымдастырылды. Мектебіміздегі ата-аналар комитетінің төрағалары мен төрайымдары қатысқан келелі бас қосуға ҚР Ішкі істер министрлігінің Б.Момышұлы атындағы оқу орталығының цикл бастығы, полиция подполковнигі Айболат Маймақов, Әл-Фараби АПБ ЖПҚБ ЮББП инспекторы, полиция майорры полиция майоры Мавланов Бахрам Юлдашович, қаламыздағы №3 арнаулы әлеуметтік қызмет көрсету орталығының маманы Муталиева Ғалия Сапарәліқызы, Кәмелетке толмағандарды бейімдеу орталығының маманы орталығының әлеуметтік педагогы Оңбарбаева Сәуле Полатқызы, Мектебіміздегі қамқоршылық кеңестің төрағасы Ұстаз Есназаров, «Заң талабы құқық қорғау орталығы» қоғамдық бірлестігінің психолог маманы Хамит Ақбота Оразбайқызы мен Жастар ресурстық орталығының психолог маманы Шынтореева Айгүл Қанатқызы қатысып, ата-аналарға бала тәрбиесі төңірегінде түсіндірме жұмыстарын жүргізді. Бастауыш сынып мұғалімі Венера Матенова «Бала тәрбиесі – ұлт тәртәрбиесі» төңірегінде құнды баяндамасын жасады. Жасөспірімдер арасында құқықбұзушылық пен әлімжеттіліктің алдын-алу және оны болдырмау жайында арнайы бейнероликтер көрсетіліп, бала тәрбиесіндегі ата-аналардың рөлі жайында әсерлі әңгімелерімен бөлісті. Ата-аналар форумын мектебіміздің педагог-ұйымдастырушысы Қанат Нышанбайұлы тізгіндеп, директордың тәрбие ісі жөніндегі орынбасары Роза Серікқызы қорытындылап, жиынға арнайы қатысқан қонақтар мен ата-аналар қауымына алғысын білдіріп, бала тәрбиесінде бірлесе жұмыс атқаруға шақырды. Мектебіміздің инспекторы Мейірман Елтаев оқушылар арасында құқықбұзушылық пен зиянды әдеттерден аулақ болуға, балалардың түнгі уақыттарда заңды өкілдерінсіз көшелерде жүрмеу керектігін ескертіп, бала тәрбиесіне қатаң көңіл керектігін жеткізді. Өз кезегінде ата-аналар қауымыда бала тәрбиесі жайлы өз ойларымен бөлісіп, тәрбиелік мәні бар келелі басқасуды ұйымдастыруға ұйытқы болған мектеп әкімшілігіне алғыстарын білдірді.
