17
февраль
2023
"ЕКІ ЖҰЛДЫЗ" ӨНЕР БАЙҚАУЫ ӨТТІ
Шымкент қаласы білім басқармасына қарасты Қ.Сыпатаев атындағы №7 ІТ мектеп-лицейінде «Оқуға құштар мектеп» жобасын жүзеге асыру мақсатында сынып жетекші мен оқушылардың қатысуымен «Екі жұлдыз» деп аталатын өнер байқауы ұйымдастырылды. Дарынды балаларды анықтап оларға шығармашылық қолдау көрсету, өнерге деген құштарлықтарын ояту, сынып жетекшімен оқушы арасындағы қарым-қатынасты нығайту, ұстаздарға деген құрметті арттыру мақсатында өткізілген байқауға 5 және 7, 8 сынып жетекшілері мен оқушылары қатысып, бақтарын сынады. Байқаудың алғашқы кезеңі бойынша «Оқуға құштар мектеп» жобасы шеңберінде белгілі танымал ақын-жазушылар мен қаламгерлердің шығармаларынан үзінділер оқу болса, екінші кезеңде сынып жетекші шәкірттерімен бірге сахна төрінде өз өнерлерін көрсетті.
Тартысты әрі қызықты өткен байқаудың бас жүлдесін 8 «В» сынып жетекшісі Усенова Лаура Касымбекқызы және оқушысы Батырбек Інжу иеленіп, арнайы ауыспалы кубокпен марапатталды. Көпшілікті өз өнерлерімен тәнті етіп жүлделі І орынды 5 «Ғ» сынып жетекшісі Ахметова Жанар Досайқызы мен оқушысы Айтбай Еркебұлан иеленсе, жүлделі ІІ орынмен 8 «А» сынып жетекшісі Исмайлова Анар Амангелдіқызы мен оқушысы Арысбек Айзере Еркінбекқызы марапатталды. Ал, жүлделі ІІІ орынды 7 «А» сынып жетекшісі Бекбосынова Ләйла Мүтәнқызы мен оқушысы Сейдахмет Аяулым, және 7 «Ғ» сынып жетекшісі Ташимова Балзия Куралбековна мен оқушысы Махмуд Дарын жеңіс тұғырынан көрінді. 7 «Ә» сынып жетекшісі Ахметова Ақбаян мен оқушысы Мамырхан Әли, 8 «Б» сынып жетекшісі Кидирбаеа Ақбота Садықұлқызы мен оқушысы Райымбекова Маржан, 7 «Д» сынып жетекшісі Салимова Салтанат пен оқушысы Данай Сұлтан, 7 «Б» сынып жетекшісі Кудайбергенова Жайсан Жалгасовна мен оқушысы Әйнекбай Айнұрлар аталған байқауға белсене қатысқаны үшін арнайы мақтау қағаздарымен марапатталды.
Байқауды қорытындылаған қазылар алқасының мүшесі, мектебіміздегі ата-аналар комитетінің төрағасы Ұстаз Есназаров пен ата-аналар комитетінің мүшесі Әсия Жандаулетовна оқушы мен мұғалім арасындағы қарым-қатынасты нығайту, талантты да дарынды оқушыларды тауып, оларды жарыққа шығару мақсатында ұйымдастырылған байқаудың тәрбиелік маңызы зор екенін айта келе, осындай іс-шараны ұйымдастыруға ұйытқы болған мектеп әкімшілігіне алғыстарын білдірді.
