26
апрель
2023
ЖОҒАРЫ СЫНЫП ОҚУШЫЛАРЫ ҚҰҚЫҚ ҚОРҒАУ САЛАСЫНЫҢ МАМАНДАРЫМЕН КЕЗДЕСТІ
Қ.Сыпатаев атындағы №7 ІТ мектеп-лицейінде Шымкент қалалық прокуратурасы Шымкент қалалық білім басқармасымен бірлесе отырып, қалалық білім беру ұйымдарында "Мейірімді - жүректен" атты айлық жоспары шеңберінде "Ұранды елдің - ұрпағы қайсар" деп аталатын құқық қорғау және әскери қызметкерлерімен кездесу өткізілді.
Мектеп директоры Раушан Алмаханқызы іс-шара ашып беріп, бүгінгі таңда өзекті болып отырған жасөспірімдер арасындағы құқық бұзушылық пен әлімжеттіліктің алдын алу, мамандық таңдау мәселелері туралы тоқталып өтті.
Жасөспірімдер арасындағы құқық бұзушылықтың алдын алу, оқушыларға мамандық таңдауың маңызды қадам екенін түсіндіруге бағытталған кездесуге Қазақстан Республикасы Ішкі істер министрлігі М.Есболатов атындағы Алматы академиясының кафедра профессоры, полиция полковнигі Маймакоы Айболат Тлеубайұлы, Қазақстан Республикасы Ішкі істер министрлігі М.Есболатов атындағы Алматы академиясының Оқк алаңдық лагер бастығы, полиция майоры Нарбаев Бекзат Мұхтарұлы, сонымен бірге Шымкент қаласы полиция департаментінің Кадр саясаты басқармасының ерекше тапсырмалар жөніндегі аға инспекторы, полиция капитаны Бейсенбаева Нұржігіт Жанаділұлы қатысты.
Мінбеге шығып сөз алған полиция полковнигі Айболат Тлеубайұлы оқушыларға мамандық таңдауда қателеспеу керектігі жайлы айтып, қоғамда сұранысқа ие құқық қорғау саласының маңыздылығына тоқталып, жасөспірімдер арасында орын алатын құқықбұзушылықты болдырмау, оның алдын алу жолдары бойынша түсіндірме жұмыстарын жүргізіп, бүгінгі таңда өзі қызмет атқаратын Алматы академиясының тыныс-тіршілігіне тоқталып өтті.
Кездесу барысында жоғары сынып оқушылары келген қонақтарға мамандық таңдау бойынша өз сұрақтарын қойып, ұтымды жауап алып, тақырып төңірегінде ой бөлісіп, пікір алмасты.

