17
ноябрь
2023
ҰЛТТЫҚ ОЙЫНДАР ЧЕЛЛЕНДЖІ БАСТАУ АЛДЫ
Шымкент қалалық білім басқармасына қарасты Қ.Сыпатаев атындағы №7 ІТ мектеп-лицейінде "Біртұтас ұлттық тәрбие", «Төрт тоқсан төрт өнер » жобаларын насихаттау мақсатында ҚР Оқу-ағарту министрлігінің бастамасымен Республика көлемінде ұйымдастырылып жатқан «Асық ату»,"Бес табан" ұлттық ойындарының челленджіне киелі шаңырақтың шәкірттері де белсене атсалысуда.
Білім алушылардың рухани-адамгершілік мәдениетін және елдің мәдени мұрасын сақтауға, ұлттық ойындарды насихаттауға бағытталған челлендж шеңберінде оқушылар "Бес табан" және "Асық ату" ойындары туралы да құнды мәліметтер алды.
Ұлттық ойындардың бірі – асық ойыны баланың ой-өрісін және көкжиегін кеңейтеді, мінезін төзімділікке, қозғалысын дәлдікке ептейді, көздің көру қабілетін арттырады. Сондықтан мектепте ұлттық ойын түрлерін жаңғырту және насихаттау үшін оқушыларды асық ойынына баулу басты құндылықтардың бірі болып табылмақ.