19
январь
2024
ЕҢ ҮЗДІК КӨРКЕМСӨЗ ОҚУ ШЕБЕРЛЕРІ БАҚ СЫНАДЫ
Бүгін мектебімізде «Қазақ тілі мен әдебиеті» пән бірлестігінің 15.01. – 19.01.22ж. күндері аралығында өткен «Тіл мен әдебиет - тәрбиенің қос қанаты» атты апталық та өз мәресіне жетті. Апталық жабылуында бірлестік мұғалімдері белсене ат салысып, Турсынбекова Салтанат пен Токумбаева Айжанның ұйымдастыруымен өткен жазушы Саттар Ерубаевтың туғанына 110 жыл толуына орай «Ең үздік көркемсөз шебері - 2024» атты мәнерлеп оқу байқауымен тәмамдалды.
Саф алмастай шығармаларды бір елдің мұрасындай етіп қалдыра білген қазақ әдебиетіне үлес қосып жүрген ақын-жазушыларымыздың туындыларын насихаттау және әдебиет әлемінде құйрықты жұлдыздай жарқ етіп ағып өткен жазушы, ақын, аудармашы, әдеби сыншы, публицист Саттар Ерубаевтың туғанына 110 жыл толуына орай ұйымдастырылған байқау екі кезеңнен тұрды.
І кезең: Өзі таңдаған ақын - жазушыларымыздың шығармаларынан үзіндіні мәнерлеп жатқа оқу;
ІІ кезең: Саттар Ерубаевтың туғанына 110 жыл толуына орай , жазушының шығармашылығынан үзінді оқу;
Байқау нәтижесінде бас жүлдені 8 Б сынып оқушысы Расул Мадина иеленсе, І орынды 9 Ә сынып оқушысы Нұралы Нұрасыл, ІІ орынды 8 Б сынып оқушылары Расул Ибрахим, Есенәлі Аруналар иеленді. Ал ІІІ орынға 9А сынып оқушысы Нуртилла Дінмұхаммед, 10 Г сынып оқушысы Батыршаева Жания, 9 Д сынып оқушысы Абдрахман Аружандар лайық деп танылды.
Жас қырандар – балапан,
Жайып қанат ұмтылған.
Көздегенi көк аспан.
Мен жастарға сенемiн!-деп Мағжан ақын айтқандай мектебіміздің жалынды шәкірттеріне сәттілік тілейміз! Кеш соңында бірлестік мұғалімдері "Біздің мектеп" әнін орындап, мектептің биік тұғырлы болуына, қазақ тілінің әрдайым мәртебесі жоғары болуына әнмен тілек айтты. Мектеп басшылығы мен ұжымдастар апталықтың өту барысын ең жоғары деңгейде деп бағалады.