23
апрель
2024
"АТА-АНАЛАРДЫ ПЕДАГОГИКАЛЫҚ ҚОЛДАУ ОРТАЛЫҒЫНЫҢ" ЖОСПАРЫНА СӘЙКЕС АТА-АНАЛАР ЖИНАЛЫСЫ ӨТТІ
Қ.Сыпатаев атындағы №7 ІТ мектеп-лицейінде «Ата-аналарды педагогикалық қолдау орталығының» жылдық жоспарына сәйкес 11 сынып оқушыларының ата-аналарымен жиналыс ұйымдастырылды. Жиналысты директордың тәрбие ісі жөніндегі орынбасары Роза Серікқызы ашып, жиналыстың күн тәртібіндегі мәселелерге тоқталды.
Директордың оқу ісі жөніндегі орынбасары Майра Садырәліқызы «ЕНТ – 2024», «Алтын белгі», «Лучший аттестатқа» бітіретін оқушылар туралы 11-сынып оқушыларының білім сапасы туралы тоқталып кетті.
Бітіруші сыныптарда 25 мамыр соңғы қоңырау мерекесінен кейін тауға, каттеждерге бармауға, қымбат көліктермен серуендеуге, сыбайлас жемқорлыққа қарсы мәдениетті қалыптастыру мақсатында ата-аналарымен оқушылар тарапынан мұғалімдерге сыйлықтар жасауға қатаң түрде тыйым салынатындығы ескертілді.
«Кәмелет жасқа толмаған жасөспірімдер арасында құқықбұзушылық, зорлық-зомбылық әрекеттерінің алдын-алу, оны болдырмау жолдары, бала қауіпсіздігі» жайында мектеп инспекторы, полиция майоры Мейірман Қуанышбекұлы айтты.
Жиналыстың соңында ата-аналар тарапынан ұсыныс пікірлер тыңдалып, ата-аналар тарапынан туындаған сұрақтарға жауап берілді.
