Қ.Сыпатаев  атындағы  №7 ІТ мектеп-лицейінде ата-аналарды педагогикалық қолдау орталығының кезекті  жиналысы өткізілді. 

    5 және 7 сыныптар  бойынша ұйымдастырылған  жиналыстың күн тәртібінде  мына төмендег мәселелер қаралды. 

1. 2023-2024 оқу жылының І жарты жылдығы бойынша оқу-тәрбие жұмыстарының қорытындысы; 

2.  Асхананың мәзірі, оқушылардың ыстық тамақпен қамтылуы барысы, сыныпта ыстық ішетін оқушылар туралы; 

3. Оқушылардың сабақтан кешікпей келуі мен  сабақтан себепсіз қалмау туралы;  

4. Білім алушылардың ата-аналарынсыз немесе заңды өкілдерінсіз кешкі сағат 22.00-ден кейін көшелерде жүрмеуі туралы;  

5. Оқушылармен өздерімен бірге мектепке суық қару, тыйым салынған заттар (пышақ, электронды темекі т.б) әкелмеуі туралы; 

6. Жеткіншектердің интернетті пайдалануы: проблемалар, салдары және мүмкіндіктері, интернет және жасөспірімнің желідегі әрекеттерінің формалары, ата-ананың бақылауы; 

7. Жасөспірімдер арасындағы құқық бұзушылықтың алдын алу,  жасөспірімдердің бойындағы қиын мінез-құлықтың белгілері, отбасындағы бала тәрбиесінің маңыздылығы туралы;

    Директордың  тәрбие ісі жөніндегі орынбасары  Феруза Смадиярқызы ата-аналар қауымына   жиналыстың күн тәртібін таныстырып,   ата-аналар тарапынан туындаған сауалдарға жауап беріп, ата-аналардың ұсыныс пікірлері тыңдалды 

#Атааналарды_педагогикалық_қолдау 

#Біртұтас_тәрбие 

Rumcdo Mon RK 

Меруерт Медетбекова 

Нургуль Шамшиева 

Гани Бейсембаев 

Шымкент Қаласының Әдістемелік Орталығы 

 Биылғы оқу жылынан бастап ата-аналармен барлық білім беру ұйымдарында "Ата-аналарға педагогикалық қолдау көрсету орталықтары" өз жұмысын бастаған болатын. Балаларды оқыту мен тәрбиелеуде отбасы мен мектептің өзара әрекеттесуін күшейту, мектептің ата-аналармен қарым-қатынасын, бала тәрбиесінде оң мәдениетті дамыту аталған жобаның басым бағыттарының бірі болып отыр. 

  Қ.Сыпатаев  атындағы №7 ІТ мектеп-лицейінде Біртұтас тәрбие жобасын жүзеге асыру мақсатында Ата-аналарды педагогикалық қолдау орталығының жиналысы ұйымдастырылды. Директордың тәрбие ісі жөніндегі орынбасары Феруза Смадиярқызының бастамасымен өткізілген жиында ата-аналарға педогикалық және психологиялық кеңестер берілді. 

    Іс-шара барысында  бала тәрбиесіне қатысты маңызды мәселелер талқыланып, ата-аналар тарапынан осындай тәрбиелік мәні зор  іс-шараны оқушыларға өткізу туралы ұсыныс пікірлерін білдірді. 

   ”Ата-аналарды педагогикалық қолдау” орталығы жанынан “Даналық мектебі”, «Ата өсиеті», «Әже даналығы», «Аға қамқорлығы», «Жеңге кеңесі» сынды түрлі қауымдастықтар  алдағы уақытта  өз жұмысын жүйелі түрде жалғастыратын болады.  Бұл жұмыстар оқу жылының соңына дейін жоспарға сәйкес жүргізеледі.

#Біртұтас_тәрбие 

Шымкент Қаласының Білім Басқармасы 

Шымкент Қаласының Әдістемелік Орталығы 

Қосымша Білім Беру Орталығы 

Rumcdo Mon RK 

    Қ.Сыпатаев  атындағы №7 ІТ мектеп-лицейінде жалпы ата-аналар жиналысы өткізілді. Жиналысты мектеп директоры Раушан Алмаханқызы ашып, күн тәртібіндегі мәселелерге тоқталып, 2022-2023 оқу жылындағы оқу-тәрбие үдерісінің қорытынды есебін берді.

Ата-аналар жиналысының  күн тәртібінде мына төмендегі мәселелер қаралды.  

  1. Мектепішілік ереже;

2. Ата-аналардың  міндеттері мен жауапкершілігі;

3. Оқушылар қауіпсіздігін сақтау; 

4. Құқықбұзушылыққа жол бермеу; 

5. Буллиниг және кибербуллингті болдырмау оның алдын  алу;

6. Әлеуметтік желілердегі қауіпсіздік шаралары;

7. Балалардың білім алуына жағдай жасау, психологиялық көмек. 

8. Сыбайлас жемқорлықтың алдын-алу; 

   Директордың тәрбие ісі жөніндегі орынбасары Феруза Смадиярқызы ата-аналарға мектептің ішкі тәртіп ережесімен таныстырып, бала тәрбиесіндегі ата-ананың алатын орны мен маңызы туралы, бала үшін ең алдымен отбасындағы тәрбиенің ауқымы мен маңыздылығы зор екенін айта келе, «Ұлттық құндылықтарға негізделген тәрбие»  жобасы туралы кең ауқымды түсіндірме жұмыстарын жүргізді. 

    Директордың  тәрбие  ісі жөніндегі  орынбасары Роза Серікқызы ата-аналарға жиналыстың күн тәртібіндегі Буллиниг және кибербуллингті болдырмау оның алдын  алу және әлеуметтік желілердегі қауіпсіздік шаралары туралы түсіндірме жұмыстарын жүргізді. 

    Мектебіміздің әлеуметтік педагогы  Ыбырай  Әсел 2022-2023 оқу жылы бойынша әлеуметтік  сала, бір реттік ыстық тамақпен қамтылған оқушылар және жетім, жартылай жетім, ата-аналарының қамқорлығынсыз қалған балаларға көрсетілген көмектер сонымен қатар жазғы лагер бойынша  атқарылған жұмыстарға тоқталды. 

      Мектебіміздің педагог-психолог мамандары Ж.Нұрсейтова мен Г.Омирбекова  балалардың білім алуына жағдай жасау, психологиялық көмек көрсету бойынша түсіндірме жұмыстарын жүргізіп, ата-аналарға психологиялық тренингтер өткізді. 

       Жиналыс барысында ата-аналар тарапынан туындаған сұрақтарға жауап беріліп, ұсыныс, пікірлері тыңдалды.   Сыбайлас  жемқорлықтың алдын алу және болдырмау мақсатында ата-аналарға түсіндірме жұмыстары жүргізілді. 

Жиынды қорытындылаған  мектеп директоры Раушан Алмаханқызы ата-аналарға арнайы уақыт бөліп келгендеріне алғысын білдіріп, бала тәрбиесінде бірігіп жұмыс атқаруға шақырды.  

    Ата-аналар қауымыда ұл-қыздарына сапалы білім мен саналы тәрбие беруде қажырлы еңбек етіп келе жатқан мектеп ұжымымен ұстаздар қауымына зор шексіз алғыстарын білдірді.

Шымкент Қаласының Білім Басқармасы Rumcdo Mon RK 

Шымкент Қаласының Әдістемелік Орталығы 

Жанат Тажиева 

#Біртұтас_тәрбие 

     Шымкент қаласы білім басқармасына қарасты 105 жылға жуық тарихы бар шежірелі қара шаңырақ Қ.Сыпатаев  атындағы №7 ІТ мектеп-лицейінде  ақша жинаудың кез-келген әрекетіне қатаң түрде тыйым салынғандығын қайта естеріңізге саламыз!

     Мектеп қабырғасында түрлі себептермен кез-келген мерекелік іс-шараларға мектеп әкімшілігіне, мұғалімдерге сыйлық алуға, мектептің жөндеу жұмыстарына,

санитарлық заттарын, шаруашылық заттарын сатып алу және тағы басқа мақсатта ата-аналардан және ата-аналар комитеті атынан ақша жинауға болмайтындығын ескертеміз!   

     Қасиетті қара шаңырақ қашанда Адалдық алаңынан табылады.  Қоғамды дендеген дертпен бірге күресуге шақыра отырып, біз қашанда сыбайлас жемқорлыққа қарсы екенімізді жеткізгіміз келеді. 

Құрметті ата-ана!   Қашанда адалдық пен ашықтыққа, сіздердің тараптарыңыздан туындаған сұрақтарыңызға мен мектеп басшысы ретінде дайын екенімді назарларыңызға жеткізгім келеді. 

Байланыс телефоны: + 7701 055 52 32