ХАЛЫҚАРАЛЫҚ TIMSS – 2023 ЗЕРТТЕУІНЕ ҚАТЫСУЫ АЯСЫНДА ОҚУШЫЛАРДЫҢ ФУНКЦИОНАЛДЫҚ САУАТТЫЛЫҒЫН АРТТЫРУ

Шымкент қаласы Әдістемелік орталығының  жұмыс жоспарына сәйкес, ағымдағы жылдың 10 наурызында  «TIMSS – 2023»  Халықаралық зерттеуі оқушылардың жаратылыстану–математикалық бағытындағы пәндерден  білім жетістіктерін анықтау мақсатында түскен мекемелерді дайындау барысында  «Халықаралық TIMSS – 2023 зерттеуіне қатысуы аясында оқушылардың функционалдық сауаттылығын арттыру» тақырыбында оқыту  тәжірибелік семинары өтті.     

«Жаратылыстану–математикалық пәндер бөлімінің әдіскері Мадина Салибекованың ұйымдастыруымен өткен семинар барысында Қ.Сыпатаев атындағы №7 ІТ мектеп-лицейінің жаратылыстану бағытындағы пән мұғалімдері өздерінің тәжірибелерімен бөлісті.

Семинарға  Халықаралық зерттеуге түскен білім мекемелерінің мектеп үйлестірушілері мен пән мұғалімдері қатысты. 

Семинар барсында,  панорамалық  сабақтар: «Төртбұрыштар мен үшбұрыштар аудандары» «Физика пәнінен TIMSS халықаралық зерттеу тапсырмаларын тиімді орындау», кіріктірілген сабақтар: «Ерітіндідегі  заттардың молярлық концентрациясы» тақырыптарында ашық сабақтар өтіп, өз тәжірибелерімен бөлісті.

Семинарға қатысқан қонақтар пән мұғалімдерінің ашық сабақтарын жоғары деңгейде бағалап, мектеп ұжымына өз алғыстарын айтып, шығармашылық табыстар білдірді.