21
апрель
2023
"ҰРПАҚ ТӘРБИЕСІ - ҰЛТ БОЛАШАҒЫ"
Қ.Сыпатаев атындағы №7 ІТ мектеп-лицейінде тәрбиенің басым бағыттарының бірі рухани танымдық және ұлттық тәрбие жобаларын жүзеге асыру мақсатында «Ұлың өсіп ер жетті, қызың өсіп бой жетті" атты тақырыпта ашық тәрбие сағаты ұйымдастырылды. "Үштік одақ" жобасын жүзеге асыру, ата – аналармен сынып жетекшісінің және оқушылардың арасында тығыз байланыс қалыптастыру; оқушылардың адамгершілік қасиеттерін, сана - сезімін дамыту; ата -ана мен балалардың өзара сыйласымдылығын арттыру, баланы ата – анасын қадірлей білуге, құрметтеуге бағытталған іс-шараға 9 "Б", "Ғ" сынып оқушылары қатысты. Іс-шара барысында оқушылар өз өнерлерін көрсетіп, ән мен күйден шашу шашты. Тәрбиелік мәні бар іс-шараны өткізуге қосымша білім беру педагогы Седепхан Акимкуловна, қазақ тілі мен әдебиеті пәнінің мұғалімі Салтанат Тұрсынбекова, ағылшын тілі пәнінің мұғалімі Толғанай Зиятбектің ұйымдастыруымен өткізілді. Ашық тәрбие сағатына арнайы ата-аналар қатысып, оқушылар тарапынан туындаған сұрақтарға жауап берді. Директордың оқу ісі жөніндегі орынбасары Майра Садырәліқызы оқушыларға мағыналы тәрбиелік мәні зор әсерлі әңгемелерімен бөлісіп, ашық тәрбие сағаттың жоғары дәрежеде өтуіне атсалысқан ұстаздар мен оқушылар қауымына алғысын білдірді.