05
май
2023
ӘДЕБИ КЕШ АҚЫН ШЫҒАРМАШЫЛЫҒЫНА АРНАЛДЫ
Қ.Сыпатаев атындағы №7 ІТ мектеп-лицейінде 05.05.2023ж. күні Шымкент қалалық білім басқармасының және Шымкент қалалық прокуратурасымен бірлескен «Мейірім – жүректен» атты айлық іс –шаралар жоспары шеңберінде «Оқуға құштар мектеп» жобасын жүзеге асыру, «Достық – мейірімділік», «Мейірімділік рухани жан байлығы» атты тақырып төңірегінде өзіміздің әріптесіміз, ақын, журналист Сарбаев Қанат Нышанбайұлымен «Жыр жазамын жүрегіммен» деп аталатын әдеби шығармашылық кездесу кеші ұйымдастырылды.
Оқушылардың кітап оқуға деген құштарлығын арттыру, оқушыларға «мейірімділік», «достық» құндылықтары туралы түсініктерін кеңейту, өзара сыйластық пен қарым – қатынасты дамыту, ақын шығармаларын өскелең ұрпаққа дәріптеу мақсатында мақсатында өткізілген кешті мектеп директоры Раушан Алмаханқызы ашып, ұстаз ақынға шығармашылық шабыт тілеп, иығына шабан жапты.
Кездесу барысында мектебіміздегі өлең жазуға ынтасы бар жас жеткіншектер, өзін-өзі басқару ұйымының мүшелері ақынның өлеңдерін нақышына келтіре орындап, әдебиет, поэзия, ұлттық құндылықтар туралы сұрақтарын қойып, пікір алмасты.
«Адам өмірі – басты құндылық» атты әлеуметтік педагог, педагог-психологтар, кітапханашылар, қосымша білім беру педагогы, музыка жетекшілері, кәсіби бағдар беруші, аға тәлімгердің апталық шеңберінде ақын, журналист Қанат Нышанбайұлының шығармашылына арналған әдеби кештің өтуіне директордың ғылыми әдістемелік ісі жөніндегі орынбасары Пернекүл Жақсылыққызы, қосымша білім беру педагогтары Седепхан Раманкулова, Салима Асемкулова, педагог-психологтар Жанар Нұрсейтова мен Гүлжанар Өмірбекова, мектеп кітапханашылары Роза Айтбаева мен Магиза Керимовалар атсалысты.
Ақын Қанат Сарбаев кездесу барсында өзінің өлеңдерін оқып, көпшіліктің ыстық ықыласына бөленді.


+3