Қ.Сыпатаев  атындағы №7 ІТ мектеп-лицейінде Мектеп парламенті оқушылардың өзін-өзі басқару ұйымының  202-2023 оқу жылының қорытындысы бойынша  «Өзін-өзі басқару: жеке тұлғаның табысты дамуының жолы» - атты  мектеп парламенті көшбасшыларының қорытынды салтанатты  іс-шарасы ұйымдастырылды. Мектеп парламенті өзін-өзі басқару ұйымы, оқушыларды мектеп ортасында өзін-өзі басқару дағдыларын дамытып, азаматтық айқын көзқарас танытып, адамгершілік қасиеті жоғары ұстауға, оқушылардың рухани мәдениетін көтеруге тәрбиелеп, білім алу кезінде мектеп парламенті оқушылардың қызығушылығын арттыру мақсатында өткізілген салтанатты жиынға өзін-өзі басқару ұйымының ата-аналары қатысты. Салтанатты жиынды мектеп директоры Раушан Алмаханқызы ашып беріп, Мектеп парламентінің атқарған  жұмыстарына оң бағасын беріп, мектеп өміріндегі оқушылардың өзін-өзі басқару ұйымының алатын орны айрықша екеніне тоқталып өтті. Мектеп парламенті көшбасшыларының ата-аналарына арнайы алғыс хаттарын табыстап, тәрбиелі, білімді, жауапкершілігі мол осындай ұл-қыз тәрбиелеп отырған ата-аналар қауымына шексіз алғысын білдірді.   2022-2023 оқу жылының қорытындысы бойынша Мектеп парламентінің атқарған іс-шаралары мен жетістіктері бойынша  арнайы бейнеролик көрсетілді. 

       Кеш барысында өзін-өзі басқару ұйымының белсенді оқушылары ән мен күйден шашу шашып, мерекелік кештің ажарын ашты. Қанатбекұлы Дәуірбек, Ержігіт Ұлжан, Бостан Бақдәулет сынды талантты жастарымыз әуелете ән шырқап, ұйым мүшелері мың бұрала би билеп, көпшілік көрерменнің ыстық ықыласына бөленді.  Салтанатты жиынға қатысқан ата-аналар  мектеп әкімшілігі мен ұстаздар қауымына  өз ризашылықтарын білдірді.