ҰСТАЗ - ҰЛЫ ТҰЛҒА

    Биылғы  жылы 5  қазанда  ресми  түрде  белгіленген  Ұстаздар  күні мерекесі  кең ауқымда аталып өтілді. Қай кезеңде болмасын ұрпаққа  сапалы білім, тәлім мен тәрбие беру - ұлы мұрат. Ал, оқушы бойына осынау асыл қасиеттерді дарытушы, білімнің бағдары, ұрпақтың бағбаны, ең ұлы тұлға - ұстаз. Алаш арысы, ұлт перзенті Мағжан Жұмабаевтың: «Алты алаштың баласы бас қосса, төр – мұғалімдікі» – деген аталы сөзі бүгінгі жаһандану заманында да өзектілігін жоғалтпаған.

    Мемлекет басшысы Қ.Тоқаев «Ұстаз біздің қоғамда әрдайым сыйлы тұлға болады», - деп, қоғамда мұғалім мәртебесін көтеруге ерекше назар аударуда. Қоғам мен адамзат алдында ерен еңбек етіп, өскелең ұрпақты тәрбиелеуге тер төгуші ұстаздар қауымы ең жоғары марапат пен құрметке лайықты. 

     Киелі шаңырақ Қ.Сыпатаев  атындағы №7 ІТ мектеп-лицейінде ұстаздар күні мерекесіне орай «Ұстаз – ұлы тұлға» атты мерекелік кеш ұйымдастырылды. Мектеп директоры Раушан Алмаханқызы құттықтау сөз сөйлеп, барша мұғалімдер қауымын кәсіби мерекелерімен құттықтап, еңбектеріне табыс тіледі. «Аманат» партиясының Әл-Фараби аудандық филиалының атқаркшы хатшысы Арай Есенбек пен Қазақстан Халық партиясының төрағасы Бақтияр ағаларамыз құттықтау сөз сөйлеп, жылы лебіздерін білдірді. 

    Кеш барысында Ш.Қалдяқов атындағы Түркістан облыстық филармониясының әншілері, ұстаздар мен оқушылар ән мен күйден шашу шашып, мерекелік кештің жоғары деңгейде өтуіне атсалысты. 

Бұл күні еңбегі еленген ұстаздар қауымы марапатталды.