14
декабрь
2021
"ТӘУЕЛСІЗДІК ТҰҒЫРЫМ" АТТЫ САЛТАНАТТЫ ЖИЫН ҰЙЫМДАСТЫРЫЛДЫ.
Қ. Сыпатаев атындағы №7 ІТ мектеп-лицейінде Тәуелсіздігіміздің 30 жылдығы қарсаңында "ТӘУЕЛСІЗДІК ТҰҒЫРЫМ"-деп аталатын мерекелік салтанатты жиыны ұйымдастырылды. Аталған шара Шымкент қаласы Білім саласын бақылау департаментінің басшысы Шамшиева Нұргүл Ақылбекқызы, ҚР Мәдениет сіңірген қайраткері, әнші, сазгер Нышан Төлегенов, мектебіміздегі қамқоршылық кеңесінің төрағасы Ұстаз Есназаров, кеңес мүшесі Асия Жандаулетқызы, айтыскер ақын Нұрғали Әнапи қатысты. Мемлекеттік әнұранды шырқаудан бастау алған салтанатты жиынды Шымкент қаласы білім саласын бақылау департаментінің басшысы Нұргүл Ақылбекқызы ашып, ұстаздар мен оқушылар қауымын Тәуелсіздік мерекесімен құттықтап, жылы лебізін білдірді. Білім ошағының директоры Раушан Алмаханқызы құттықтау сөз сөйлеп, Тәуелсіздігіміздің мерейлі мерекесімен құттықтады. Айтыскер ақын Нұрғали Әнапия Тәуелсіздігімізге тарту ретінде өз арнауын орындап берді. Бұл күні еңбегі еленген біршама ұстаздар қауымы арнайы марапаттарға ие болды. Мектебәміздің түлегі әнші, сазгер Нышан Төлегенов" Елбасы"', "Шымқала" әндерімен көпшілік көрерменнің ыстық ықыласына бөленді. Мектепалды даярлық тобының шәкірттері мың бұралып билеп, өз өнерлерін паш етті. Попечительский советтің төрағасы Ұстаз Есназаров пен Асия Жандаулетқызы ұстаздар қауымын айтулы мерекемен құттықтап, еліміздің келешегі кемел, болашағы нұрлы ұрпақтарын тәрбиелеуде толайым табыстарға жете беруіне тілектестік білдірді. Тәуелсіздік мерекесінің қадір-қасиетін арттырып, өскелең ұрпақтың бойына Отансүйгіштік, елжандылық, патриоттық сезімдерін қалыптастыру мақсатын өткен мерекелік кеш барысында жас мұғалімдер ән мен күйден шашу шашып, әсерлі кештің әдемі өтуіне атсалысты. Мың бұралған би, әуезді әндер орындалған шараның соңында "Атамекен" әні хормен орындалып қорытындыланды.
