13
сентябрь
2023
ЕРЛІК САБАҒЫ – ЕЛДІККЕ БАСТАЙДЫ
Қ.Сыпатаев атындағы №7 ІТ мектеп-лицейінде Егеменді елдің Қарулы күштерінің имиджін көтеру, өскелең ұрпақты патриоттық рухта тәрбиелеуге және әскери міндеттерін адал орындауға, елін, Отанын сүюге тәрбиелеу мақсатында «Ерлік» сабағы өткізілді.
Жоғары сынып білім алушылары қатысқан жиынға Шымкент қаласы Ардагерлер колициясының төрағасы, ҚР Қарулы күштері Ардагерлер РҚБ Шымкент қаласы филиалының төрағасы, Қарулы күштерінің Құрметті ардагері, «Алтын барыс» төсбелгісінің иегері, полковник Онбаев Серікбай Мейірбайұлы, жұмылдыру бөлімінің бастығы, майоры Абдукадиров Ғани Пердеханұлы, ҚР «Таулы Қарабақ ардагерлер мен мүгедектерінің Республикалцқ одағы» қоғамдық бірлестігінің Шымкент қаласы бойынша филиалының төраға орынбасары Қожалов Серік Қадырбекұлы қатысты.
Ерлік сабағы барысында Серікбай Мейірбайұлы оқушыларға патриоттық тәрбие, әскери өмірдің қыр-сыры жайында әсерлі әңгімесімен бөлісті.
Әрбір азамат Отан алдындағы міндетін абыройымен атқару парызы екендігі кең көлемде түсіндіріліп, арнайы бейнероликтер көрермен назарына ұсынылды.
Кездесу соңында оқушылар келген қонақтарға өз сауалдарын қойып, пікір алмасты.
