20
ноябрь
2023
АТА-АНАЛАРДЫ ПЕДАГОГИКАЛЫҚ ҚОЛДАУ ОРТАЛЫҒЫНЫҢ МАҢЫЗЫ АЙРЫҚША
Қ.Сыпатаев атындағы №7 ІТ мектеп-лицейінде 8 және 11 сынып оқушыларының ата-аналарына педагогикалық қолдау көрсету бағдарламасы шеңберінде ата-аналарға педагогикалық қолдау көрсету орталығының кезекті жиналысы өткізілді.
Жасөспірімнің жастық дағдылары, олардың көріністерінен шығу жолдары, Ата-аналар мен балалардың ортақ мүдделері – олардың өзара түсіністігінің негізі, Жасөспіріммен қалай қарым-қатынас жасау керек, конструктивті келіссөздер, бір күндік ұрыстың қырық күндік қырсығы бары және жанжал және оларды шешу жолдары. Ата-ана мен бала арасындағы эмоционалдық байланысты сақтаудың шарты – кешіре білу секілді отбасы құндылықтарын дәріптеуге арналған кезекті жиын 8 және 11 сыныптарда өткізілді.
Бала тәрбиесі және өскелең ұрпақты ұлттық құндылықтарға баулу маңызды дүние екені айтылған кездесуге ата-аналар қауымы белсене қатысып, ұрпақ тәрбиесіне ерекше көңіл бөлу қажеттілігі айтылды. Барлық сыныптарда ұйымдастырылған ата-аналарға педагогикалық қолдау орталығының кезекті кездесуінде ата-аналар бала тәрбиесі жайында өздерінің құнды ойларымен бөлісіп, пікір – алмасты.
Балаларды оқыту мен тәрбиелеуде отбасы мен мектептің өзара іс-қимылы бойынша жұмысты күшейту және ата-аналардың позитивті мәдениетін дамыту, отбасындағы қарым-қатынас дағдыларын дәріптеу мақсатында жұмыс жасайтын ата-аналарды педагогикалық қолдау орталығының жұмысы алдағы уақытта да өз жалғасын табатын болады.