АНАҒА ҚАРАП ҚЫЗ ӨСЕР...
АНАҒА ҚАРАП ҚЫЗ ӨСЕР...
Қ.Сыпатаев атындағы №7 ІТ сектеп-лицейінде «Біртұтас ұлттық тәрбие» жобасы аясында ауқымды жұмыстар атқарылып келеді. Өскелең ұрпақтың бойына ұлттық құндылықтарымыз бен рухани қазыналарымызды сіңіртуде тәрбиелік мәні бар іс-шарлардың маңызы айрықша. Ұмытылып бара жатқан салт-дәстүрлеріміз бен әдеп-ғұрптарымызды қайта жаңғыртып, оны білім алушыларға дәріптеп, терең тарихымен таныстыру , ұлттық құндылықтарымызды насихаттауда білім ошамызда атқарылыған отырған жұмыстар ауыз толтырып айтарлықтай. Осындай іс-шараның бірі «Біртұстас тәрбие», және «Үш одақ» жобаларын шеңберінде 1- сынып оқушылары мен аналарынң қатысуымен «Анаға қарап қыз өсер...» деп аталатын байқау өткізілді. 1 сынып жетекшілерінің ұйымдастыруымен өткізілген байқауға 1 «А» сыныбынан Полатбек Жасмин және анасы Азимханова Лаура, 1 «Ә» сыныбынан Жақып Әдемі және анасы Дәуренбекова Аида, 1 «Б» сыныбынан Арапбай Айкөркем және анасы Каналиева Феруза, 1 «В» сыныбынан Аймен Айзере және анасы Сабитханқызы Мерей, 1 «Г» сыныбынан Болатбекова Сабина және анасы Дүзелбаева Жансая, 1 «Ғ» сыныбынан Ақылбек Айкүнім және анасы Жампоз Аида, 1 «Д» сыныбынан Алімхан Айнелья мен анасы Баратбай Айгерім, 1 «Е» сыныбынан Ерахмет Айзере және әпкесі Ерахмет Айғанымдар қатысып бақ сынады. Анасы мен қызының өнерін сарапқа салған байқау бес кезеңнен тұрды. Алғашқы кезеңде қатысушылар өздерін жыр жолдарымен таныстырып өтсе, екінші кезеңде білімдерін сарапқа салып, сұрақтарға жауап берді. Ал, үшінші кезеңде үміткерлер өз өнерлерін ортаға салып, көпшіліктің ыстық ықыласымен көрерменнің қошеметіне бөленді. Байқаудың төртінші кезең бойынша анасы мен қызы бірге дайындаған ас мәзірлерін таныстырып, «Дәм-думан» айдарында көпшілікке ұсынды. Байқаудың соңғы кезеңінде оқушы қыздар сән үлгісін көрсетіп, қолөнер бұйымдарымен таныстырды. Қатысушылардың өнерін әділ бағалап, өнерлерін сарапқа салған қазылар алқасының құрамында директордың тәрбие ісі жөніндегі орынбасары Роза Саукымбекова Серікқызы, мектебіміздің ұйымдастырушы-педагогы, баспасөз саласына жауапты маманы Сарбаев Канат Нышанбайұлы және мектебіміздің кітапханашысы Роза Айтбаевалар болды.
Біртұтас ұлттық тәрбие жобасын жүзеге асыру, ұлттық құндылықтарымызды өскелең ұрпақтың бойына сіңіріп, қыз балаларды имандылыққа, инабаттылыққа, әдептілік пен әдемілікке, парасаттылыққа тәрбиелеу мақсатында ұйымдастырылған байқаудың қорытындысы бойынша қазылар алқасының шешімімен байқаудың бас жүлдесі 1 «Ә» сынып оқушысы Жақып Әдемі мен анасы Дәуренбекова Аидаға бұйырса, жүлделі І орынмен 1 «Д» сыныбының оқушысы Алімхан Айнелья мен анасы Баратбай Айгерім, 1 «В» сыныбының оқушысы Аймен Айзере және анасы Сабитханқызы Мерей марапатталды. Жүлделі ІІ орынмен 1 «Е» сынып оқушысы Ерахмет Айзере мен әпкесі Ерахмет Айғаным, және 1 «Ғ» сынып оқушысы Ақылбек Айкүнім мен анасы Жампоз Аида, ал жүлделі ІІІ орындармен 1 «Г» сынып оқушысы Болатбекова Сабина мен анасы Дүзелбаева Жансая, 1 «Б» сынып оқушысы Арапбай Айкөркем мен анасы Каналиева Феруза, және 1 «А» сынып оқушысы Полатбек Жасмин анасы Азимханова Лаура марапатталды.
Байқауды қорытындылаған мектеп директоры Раушан Алмаханқызы барша ата-аналар мен оқушылар қауымына өзінің шексіз алғысын білдіре отырып, қыз тәрбиесінде ананың алатын орны ерекше екеніне тоқталып, қызы мен анасының қатысуымен өткізілген байқаудың тәрбиелік мәні зор екенін айта келе, барша аналар мен қыздар қауымын 8 наурыз Халықаралық аналар қыз-келіншектер мерекесімен құттықтап, өзінің ізгі тілегін жеткізді.
Қыз бала- болашақ ана десек, қазіргі қоғамдағы қыз бала мен ананың арасындағы, жеңге мен қайынсіңілінің арасындағы қарым - қатынас кәдімгі қазақы отбасындағы қыз баланың ибалығын, әдемілігін, жүріс тұрысының, бой түзеуінің бір кепілі болары анық. Қыз баласынң тәрбиесі қашанда маңызды. Анасы мен қызының арасындағы қарым-қатынасты нығайту, қыз баласын имандылық пен адамгершілік сынды ұлы қасиеттерді бойына дарыта отырып, тәрбиелеу қажет.
Дана халқымызда «Әкеге қарап ұл өсер, анаға қарап қыз өсер» деген аталы сөздің босқа айтылмағанын аңғарамыз. Қазақ халқында ұрпақ тәрбиесі қашанда маңызды. Ал, оның ішінде қыз баланың тәрбиесіне ұлттың тәрбиесі деа қарайды.
Байқауға қатысқан ата-аналар қауымына ұстаздар мен мектеп мектеп әкімшілігіне осындай байқаудың өтуіне ұйытқы болған мектепке өздерінің шексіз алғыстары мен ризашылықтарын білдірді.
Ұлттық және адами құндылықтарға негізделген «Біртұтас тәрбие» бағдарламасы аясында мұндай байқаулар алдағы уақытта да өз жалғасын таба бермек! Білім саласында қашанда көш басынан көрініп жүретін біздің киелі шаңырақ Қ.Сыпатаев атындағы №7 ІТ мектеп-лицейін біз зор мақтанышпен айта аламыз!
Ысқақ Мереке Тәліпқызы, Қ.Сыпатаев атындағы №7 ІТ мектеп-лицейінің бастауыш сынып мұғалімі.