16
ноябрь
2023
ШАРАПАТЫ МОЛ ІС-ШАРА ЖАЛҒАСЫН ТАБУДА
Қ.Сыпатаев атындағы №7 ІТ мектеп-лицейінде «Қатігездіксіз және зорлық-зомбылықсыз балалық шақ» атты республикалық ақпараттық акциясы аясында тәрбиелік мәні зор тағылымды іс-шаралар өткізіліп келеді.
Жасөспірімдер арасындағы құқықбұзушылық пен қылмыс, әлімжеттілікті болдырмау, өзгенің мүлкіні қол сұқпау, кешкі уақыттарда ата-аналары және заңды өкілдерінсіз көшелерде жүрмеу, жол ережелерін сақтау, зиянды әдеттерден (электронды темекі т.б) аулақ болу мақсатында балаларға қатысты зорлық-зомбылық әрекеттерінің профилактикасы бойынша мемлекеттік органдар қызметінің тиімділігін арттыру мәселелері бойынша құқық қорғау органдары саласының қызметкерлерімен кездесу өткізілді.
Аталған іс-шара Шымкент қаласы, Әл-Фараби ауданы криминалдық полиция бөлімінің басшысының міндетін атқарушы, полиция майоры Ордабек Асланбек Құрманбекұлы, криминалдық полиция бөлімінің аға жедел уәкілі Абылай Нұран Саяжанұлы, криминалдық полиция бөлімінің жедел уәкілі, полиция лейтенанты Тұңғышбай Қуаныш Бердімұратұлы, сонымен қатар Шымкент қаласы №3 арнаулы әлеуметтік қызметтер көрсету орталығының психолог маманы Иманәлиева Қатира Жүсіпбекқызы және мектебіміздің инспекторы, полиция майоры Мейірман Қуанышбекұлы қатысып, оқушыларға құқықбұзушылық пен зорлық-зорбылық әрекеттерінің профилактикасы бойынша түсіндірме жұмыстарын жүргізді.
Кездесуге мектебіміздің 7 сынып оқушылары қатысып, куберуллинг және буллинг, жасөспірімдер арасындағы қылмыс бойынша бейнероликтер көрсетіліп, оқушылар тарапынан қойылған сауалдарға сала мамандары жауап берді. Кездесудің жоғары деңгейде өтуіне Гүлжанар Тойлыбайқызы, Гүлдана Маратқызы, Айсұлу Нұрсейтқызы сынды ұстаздарымыз атсалысты.
Іс-шараны қорытындылаған директордың тәрбие ісі жөніндегі орынбасары Феруза Смадиярқызы Бауырман Момышұлы атамыздың «Тәртіпсіз ел болмайды, тәртіпке бас иген құл болмайды» деген аталы сөзін жанымыздан шығармағанымыз абзал деп, мұндай маңызды кездесулер алдағы уақыттада өз жалғасын таба беретінін жеткізді.