ТӨТЕНШЕ ЖАҒДАЙЛАРДЫҢ АЛДЫН-АЛУ БОЙЫНША ОҚУ-ЖАТТЫҒУ ЖИЫНЫ ӨТТІ

        Қ.Сыпатаев атындағы №7 ІТ мектеп-лицейінің төтенше жағдайлардың алдын-алу, азаматтық қорғаныс, өрт сөндіру және жер сілкінісінен қорғану мақсатында сейсможаттығу жиыны ұйымдастырылды. Оқушылар мен мұғалімдерге сыртқа шығу туралы дабыл қоңырауы беріліп, өрт сөндіру мамандары оқушыларға түсіндірме жұмыстарын жүргізді. Төтенше жағдай орын ала  қалған жағдайда қандай сақтық шараларын қабылдау керектігі жайлы кең көлемде ақпараттар берілді.  Аталған оқу жаттығу жиынына Шымкент қаласы Әл-Фараби ауданы ТЖБ инженері а.қ. лейтенанты Берік Мұқасан Серікұлы және №3  ӨСБ қарауыл бастығы а.қ. аға лейтенанты Шынарбай Дәулет мырзалар қатысып, білім алушыларға  өрт сөндіру құрал-жабдықтарымен таныстырып,  төтенше оқиғалар орын ала қалған жағдайда қандай іс-әрекеттер жасау керектігін түсіндіріп өтті. Сонымен бірге, 1-11 сыныптарда «Азаматтық қорғаныс. Мен және төтенше жағдай» тақырыбында бырыңғай ашық сабақтар өткізілді.