ҚҰҚЫҚБҰЗУШЫЛЫҚТЫҢ, ОЙЫНҚҰМАРЛЫҚТЫҢ, БУЛЛИНГТІҢ, ӘЛІМЖЕТІКТІҢ АЛДЫН АЛУ БОЙЫНША САЛА МАМАНДАРЫМЕН КЕЗДЕСУ ӨТКІЗІЛДІ

     Қ.Сыпатаев атындағы №7 IT мектеп-лицейінде құқықбұзушылықтың, ойынқұмарлықтың, буллингтің, әлімжеттіліктің алдын алу мақсатында  құқық қорғау органдары қызметкерлерімен кездесу өткізілді. Кездесуге Әл-Фараби АПБ ЖПКБ ЮПБ УПИ полиция капитаны Байсейтов Саттар, полиция  майоры Ерисбеков Рахымжан Испандярович,  мектеп инспекторы Елтаев Мейірман Қуанышбекұлы қатысты. Полиция капитаны Саттар Байсейтов оқушыларға мектептегі қауіпсіздік ережелерін, қауіпті жағдай туындағанда өзін-өзі ұстау дағдыларынмен  Петропавл қаласындағы №4 орта мектебінде орын алған келеңсіз жағдай бойынша түсіндірме жұмыстарын жүргізді.  Мектептегі әр баланың өмірі, құқығының қорғалуы, денсаулығының амандығы маңызды екенін айтып, құқықбұзушылықтың, буллингтің, ойынқұмарлықтың алдын алу, зорлық-зомбылыққа қарсы күрес жүргізу жолдарын түсіндірді.   

     Мектеп инспекторы Мейірман Елтаев  мектеп пен оның айналасына тыйым салынған, қауіпті заттарды әкелуге тыйым салынатынын, жалған хабарламалар мен суық қаруды алып жүрудің жауапкершілігі туралы түсіндіріп өтті. Сонымен қатар,  ҚР Заң нормаларын білмеу жауапкершіліктен босатпайтынын айтып, кез-келген жағдайда құқықтық сауатты болуға шақырды. Әр бір бала Қазақстан Республикасының Конституциясын және заңдарын сақтауға, басқа адамдардың құқықтарын, бостандығын, ар-ожданы мен қадiр-қасиетiн, Республиканың мемлекеттiк нышандарын құрметтеуге, еңбекке жарамсыз ата-анасына қамқорлық жасауға, тарихи және мәдени мұралардың сақталуына қам-қарекет жасауға, тарих және мәдениет ескерткiштерiн сақтауға, табиғатты сақтауға және табиғи байлықтарға ұқыпты қарауға мiндеттi екенін айтып ескертті.  

    Оқушыларға ақпараттық-түсіндіру жұмыстарын жүргізу мақсатында құқық қорғау органдарымен болған кездесуді 8 «Ғ» сынып жетекшісі Тасшабаева Айнұр және 8 «Д»  сынып жетекшісі Аида Серікқызының бастамасымен өткізілген кездесуде оқушылар құқық қорғау мамандарына тақырып төңірегінде өздерін толғандырып жүрген сауалдарын қойып, пікір алмасты. 

     Кездесуді қорытындылаған диектордың тәрбие ісі жөніндегі орынбсары Феруза Смадиярқызы келген қонақтарға алғысын білдіріп, оқушылар үшін маңызды кездесу болғанын айтып, құқықбұзшулықтың алдын алу бағытында мұндай кездесулердің алдағы уақытта да өз жалғасын таба беретінін жеткізді.